22 may 2025-ci il tarixində Azərbaycan Respublikasının Prezidenti yanında Beynəlxalq Münasibətlərin Təhlili Mərkəzi ilə Əhməd Cavad İnstitutu arasında görüş keçirilib.

Azərbaycan tərəfdən görüşdə Beynəlxalq Münasibətlərin Təhlili Mərkəzinin rəhbəri Fərid Şəfiyev, İdarə Heyətinin üzvü Cavid Vəliyev, baş məsləhətçi Mətin Mehmedli və ekspert Fuad Abdullayev iştirak ediblər.

Əhməd Cavad İnstitutun prezidenti Prof. Dr. Ruhi Ersoy və İnstitutun İdarə Heyətinin üzvləri; Prof. Dr. Hanifi Macit, Prof. Dr. Turan Şahin, Dos. Dr. Esma Özdaşlı və Özgür Bayraktar ilə görüşə qatılıb.

Toplantıda Türk Dünyasında və beynəlxalq aləmdə baş verən son hadisələr müzakirə edilib, Türk Dövlətləri Təşkilatının Budapeşt Toplantısı vasitəsilə TDT ilə Türk Dünyasının daha sıx inteqrasiyası üçün atılacaq addımlar müzakirə edilib.

Bundan əlavə, İnstitutun və Beynəlxalq Münasibətlərin Təhlili Mərkəzinin gələcəkdə ola biləcəyi mümkün tərəfdaşlar barədə fikir mübadiləsi aparılıb.