Fransanın şimalındakı Rubaix şəhərində 3 min nəfərlik ibadət sahəsi olan və tikintisi təxminən 12 il davam edən Dəyanət İşləri Türk-İslam Birliyinə bağlı Eyüp Sultan məscidinin açılışı olub. Mərasimdə Birliyin Fransa üzrə rəhbəri Bayram Demirtaş İslam inancında məscidlərin Kəbənin bir qolu olaraq görüldüyünü açıqlayaraq bildirib ki, 3 min nəfərlik ibadət sahəsi olan və tikintisi təxminən 12 il davam edən məscid Osmanlı memarlığından ilhamlanaraq inşa edilib.

Məscidin hündürlüyü 23 metr olan 1 minarəsi, 15 metr hündürlüyündə 1 baş günbəzi və 7 kiçik günbəzi var. Məscidin mərmərləri Konyadan, qapıları Maraşdan gətirilib və tikintisində xüsusi Manisa yun xalçasından istifadə edilib.

Məsciddə İstanbuldan gətirilmiş 4 mərtəbəli 8 metrlik çilçıraq var və Memar Sinandan ilhamlanaraq ibadət yerini hörümçək və böcəklərdən uzaq tutmaq üçün çilçıraqda dəvəquşu yumurtalarından istifadə edilib.

Rubaix bələdiyyəsi məscidə gedən küçənin adını dəyişərək “İstanbul küçəsi” adlandırıb.