Cənubi Koreyanın Tequ şəhəri yaxınlığında Hamci dağında aprelin 28-də başlayan meşə yanğını nəzarət altına alınıb.

23 saatlıq əməliyyatdan sonra yanğını nəzarət altına almaq mümkün olub. Yanğın 260 hektar sahəyə ziyan vurub. Yanğınla mübarizəyə 1515 nəfər şəxsi heyət, 400 texnika, 2 helikopter cəlb olunub.

Səlahiyyətli qurumlar güclü küləyin yanğını daha çox əraziyə yayması ehtimalını əsas götürərək ən yuxarı səviyyədə təhlükə xəbərdarlığı elan edib. Təbii fəlakət zonasından 2 mindən çox sakin təxliyə edilib. Yanğın nəticəsində ölən və yaralananlar barədə məlumat yoxdur. Yanğın təhlükəsinə görə bağlanan magistral yolda hərəkət bərpa edilib.