10 aprel 2025-ci il tarixində Ailə, Qadın və Uşaq Problemləri üzrə Dövlət Komitəsi, Gənclər və İdman Nazirliyi, Mədəniyyət Nazirliyi və “Azərbaycan Nəşriyyatları Assosiasiyası” İctimai Birliyinin (ANAİB) təşkilatçılığı ilə IV “Uşaq Kitab Festivalı” keçirilir.

Qeyd edək ki, 4 gün davam edəcək Festival çərçivəsində hər gün minlərlə uşaq kitabının endirimli qiymətlərlə satışı, tanınmış ədiblərin təqdimat mərasimləri, imza günləri, əyləncəli kukla tamaşaları nümayiş etdiriləcək. Həmçinin festivalda uşaqlar üçün intellektual master-klasslar, əyləncəli müsabiqələr, oxu saatları və səhnəciklər təşkil ediləcək.