Aprelin 3-də Səmərqənd sammiti çərçivəsində Özbəkistan Prezidenti Şavkat Mirziyoyev Avropa İttifaqının və Avropa Komissiyasının prezidentləri Antoniu Koşta və Ursula fon der Lyayenlə görüşüb.

Görüşdə ticarət-iqtisadi və investisiya sahələrində Özbəkistan – Avropa çoxplanlı əməkdaşlığının inkişafı və dərinləşdirilməsi məsələləri müzakirə olunub.

Danışıqlar zamanı əsas diqqət innovasiya, yaşıl enerji, mədən sənayesi, kənd təsərrüfatı, nəqliyyat, logistika, rəqəmsallaşdırma və digər sahələrdə birgə kooperasiya proqram və layihələrinə ayrılıb.

Tərəflər, həmçinin, “Mərkəzi Asiya - Avropa İttifaqı” formatında keçiriləcək ilk ali səviyyəli sammitin gündəliyini müzakirə ediblər. Bundan əlavə, beynəlxalq və regional siyasətin aktual məsələləri, o cümlədən Əfqanıstanın sosial-iqtisadi inkişafına dəstək mövzusunda fikir mübadiləsi aparılıb.