Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən özünüməşğulluq proqramına cəlb olunmuş şəxslərin biznes planlarına uyğun mal və materiallar formasında aktivlərlə təminatı davam edir.

Nazirliyin İctimaiyyətlə əlaqələr şöbəsindənverilən məlumata görə, son bir ay ərzində daha 566 nəfər özünüməşğulluq proqramı çərçivəsində aktivlərlə təmin olunub.

Proqram iştirakçıları onlara verilmiş aktivlər üzrə öz kiçik biznes sahələrini yaradıblar.

Qeyd edək ki, proqram iştirakçıları üçün əvvəlcə kiçik biznesin təşkili üzrə bilik və bacarıqlara yiyələnmələri məqsədilə təlimlər təşkil edilir, sonra onlar aktivlərlə təmin olunurlar.