Azərbaycan iqlim dəyişmələrinin kurikulumun bir hissəsi olması istiqamətində öz səylərini davam etdirir. İstərdik ki, bu məsələlər qlobal gündəliyə çevrilsin.

Bunu elm və təhsil naziri Emin Əmrullayev COP29 çərçivəsində keçirilən mətbuat konfransında deyib.

Nazir ekoloji savadlılığının artırılması istiqamətində bununla bağlı qiymətləndirmə aparılması təşəbbüsünün irəli sürüldüyünü bildirib: “İlk dəfə olaraq, PISA layihəsində ətraf mühit savadlılığının qiymətləndirilməsi sahəsini inkişaf etdirmək məqsədilə yeni bir qiymətləndirmə alətinin hazırlanması təşəbbüsü ilə çıxış etdik. Bizim təklifimiz layihəyə əsas sahələrə əlavə olaraq, ətraf mühit savadlılığını da ayrıca qiymətləndirmə aləti kimi daxil etməkdir. Ümid edirəm ki, həmin təşəbbüsə müxtəlif ölkələr qoşulacaq”.