Daxili İşlər Nazirliyinin Mətbuat Xidmətinin məlumatına əsasən, İyunun 9-da polis əməkdaşları tərəfindən ölkə ərazisində qeydə alınmış 63 cinayətin, eləcə də əvvəlki dövrlərdən bağlı qalmış 10 cinayətin açılması təmin olunub.

Azturkxeber.az xəbər verir ki, Axtarışda olan ümumilikdə 181 nəfər, o cümlədən borclu şəxs qismində axtarılan 152 nəfər saxlanılaraq aidiyyəti üzrə təhvil verilib.

Həmçinin narkotiklərlə əlaqəli 32 fakt, qanunsuz saxlanılan silah-sursatın aşkar edilərək götürülməsi ilə bağlı 4 fakt müəyyən edilib.

Cinayət törətməkdə şübhəli bilinən 73 nəfər saxlanılıb.