Ermənistanda seçki prosesi başa çatıb. Yeni Konstitusiya layihəsinin mətninin erməni ictimaiyyətinə təqdim olunmasının vacibliyi gündəmə gəlib.

Azturkxeber.az xəbər verir ki, bu fikirləri hərbi ekspert Ədalət Verdiyev öz "Facebook " hesabında paylaşım edib.

O bildirib ki, Azərbaycan üçün əsas məsələ təkcə Ermənistan rəhbərliyinin deyil, bütövlükdə erməni cəmiyyətinin Azərbaycan və Türkiyəyə qarşı ərazi və digər iddialardan imtina etməyə hazır olmasıdır.

Ədalət Verdiyevin sözlərinə görə, Ermənistan Konstitusiyasında dəyişikliklərin edilməsi qaçılmaz görünür. Ekspert hesab edir ki, regionda davamlı sülhün təmin olunmasına daha çox ehtiyac duyan Ermənistan üçün bu addım mühüm əhəmiyyət daşıyır. O qeyd edib ki, Konstitusiya dəyişikliklərindən sonra sülh danışıqları və sərhədlərin delimitasiya-demarkasiya prosesi daha sürətlə irəliləyə bilər.