18 iyun 2026-cı il tarixində Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın təşəbbüsü ilə Bakı şəhərində “Süni intellekt dövründə insan hüquqları: imkanlar, risklər və məsuliyyətlər” mövzusunda Ombudsmanların Beynəlxalq Bakı Sammiti keçiriləcəkdir.

Azturkxeber.az-ın məlumatına görə, tədbirdə 30-a yaxın ölkənin ombudsman və milli insan hüquqları institutlarının rəhbər və nümayəndələri, beynəlxalq təşkilatların, dövlət qurumlarının, vətəndaş cəmiyyəti institutlarının təmsilçiləri, eləcə də tanınmış ekspertlər iştirak edəcəklər. Sammit süni intellekt texnologiyalarının insan hüquqlarına təsirinin müzakirəsi, bu sahədə beynəlxalq təcrübə və yanaşmaların paylaşılması üçün mühüm beynəlxalq platforma olacaqdır.