Milli Məclisdə uşaqların rəqəmsal mühitdə qorunmasına dair qanun layihəsinin müzakirəsi keçirilib.

Müzakirələrdə iştirak edən Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva bu barədə sosial şəbəkə hesabında paylaşım edib.

Azturkxeber.az-ın məlumatına görə, paylaşımda qeyd olunub ki, rəqəmsal mühit uşaqlara yeni imkanlar yaratmaqla yanaşı, onların hüquq və təhlükəsizliyi baxımından yeni çağırışlar da meydana çıxarır.

Ombudsman vurğulayıb ki, uşaqların rəqəmsal məkanda təhlükəsizliyinin təmin olunması yalnız ailələrin deyil, eyni zamanda dövlət qurumlarının, media nümayəndələrinin, texnologiya platformalarının və bütövlükdə cəmiyyətin ortaq məsuliyyətidir.

S. Əliyeva bildirib ki, bu sahədə qanunvericiliyin təkmilləşdirilməsi və effektiv müdafiə mexanizmlərinin tətbiqi uşaqların rəqəmsal məkanda hüquqlarının daha etibarlı qorunmasına mühüm töhfə verəcək.