Daxili İşlər Nazirliyinin Mətbuat Xidmətinin məlumatına əsasən,
2026-cı il iyunun 5-də polis əməkdaşları tərəfindən ölkə ərazisində qeydə alınmış 64 cinayətin, həmçinin əvvəlki dövrlərdən bağlı qalmış 10 cinayətin açılması təmin edilib.

Azturkxeber.az-ın məlumatına görə, axtarışda olan ümumilikdə 147 nəfər, o cümlədən borclu şəxs qismində axtarılan 111 nəfər saxlanılaraq aidiyyəti üzrə təhvil verilib.
Narkotik vasitələrlə əlaqəli 34 fakt, qanunsuz saxlanılan silah-sursatın aşkarlanması və götürülməsi ilə bağlı 9 fakt müəyyən olunub.
Cinayət törətməkdə şübhəli bilinən 60 nəfər saxlanılıb.