Bu gün Azərbaycan ədəbiyyatının ölməz simalarından biri, nakam taleli istedadlı şair Mikayıl Müşfiqin anadan olmasından 118 il ötür.

​Qısa, lakin zəngin bir ömür yaşayan Müşfiq öz bənzərsiz yaradıcılığı ilə Azərbaycan poeziyasında silinməz izlər qoyub. onun "Yenə o bağ olaydı", "Oxu, tar", "Küləklər" kimi onlarla bədii incisi bu gün də sevə-sevə oxunur, dillər əzbəridir.

​Qısa Ömür, Əbədi İrs
​1908-ci il iyunun 5-də Bakıda doğulan Mikayıl Müşfiq, hələ gənc yaşlarından ecazkar poetik istedadı ilə diqqəti cəlb edib. O, sevgini, təbiəti, insan ruhunun ən incə məqamlarını elə bir səmimiyyətlə vəsf edib ki, əsərləri zamanın sınağından keçərək bu günümüzə qədər gəlib çatıb.

​Təəssüf ki, XX əsrin amansız repressiya dalğası – 1930-cu illərin qanlı Stalin repressiyaları bu gənc və parlaq zəkanı da doğma xalqından qopardı. 1938-ci ildə, cəmi 30 yaşında güllələnən şairin cismi yox edilsə də, onun ruhu və misraları azadlıq aşiqi olan millətinin qəlbində əbədi məskən saldı.
​Unudulmaz Xatirə

​Bu gün Mikayıl Müşfiq adı həm də sovet rejiminin haqsızlığına baş əyməyən, öz milli kimliyinə və sənətinə sadiq qalan ziyalılarımızın simvoludur. Dövlətimiz tərəfindən şairin xatirəsi hər zaman uca tutulur, əsərləri yenidən nəşr olunur və gənc nəslə aşılanır.
​Azərbaycan poeziyasının romantik və coşqun səsini – böyük Mikayıl Müşfiqi anadan olmasının 118-ci ildönümündə dərin ehtiram və rəhmətlə anırıq. onun poeziyası hər zaman bizimllədir!