Hidrometeorologiya Xidmətinin məlumatına əsasən, iyunun 4-6-da ölkənin əsasən dağlıq və dağətəyi rayonlarında hava şəraitinin arabir yağıntılı keçəcəyi gözlənilir.

Azturkxeber.az xəbər verir ki, ayrı-ayrı ərazilərdə yağışların intensivləşəcəyi, şimşək çaxacağı və dolu düşəcəyi ehtimal edilir.
Proqnoza görə, yağıntılar nəticəsində çaylarda sululuğun artacağı gözlənilir. Eyni zamanda bəzi dağ çaylarında qısamüddətli sel və daşqın hadisələrinin baş verməsi mümkündür.
Vətəndaşlara hava şəraitində gözlənilən dəyişiklikləri nəzərə alaraq ehtiyatlı olmaları tövsiyə edilir.