Azyaşlıların kibertəhlükələrdən qorunması ilk növbədə valideyn nəzarəti və düzgün maarifləndirmə ilə mümkündür. Rəqəmsal mühitdə təhlükəsiz davranış qaydalarını uşaqlara erkən yaşlardan aşılamaq xüsusi əhəmiyyət daşıyır.

Valideynlərə tövsiyələr:

Uşaqların istifadə etdiyi tətbiqlərə və sosial şəbəkə hesablarına mütəmadi nəzarət edin;

“Tanımadığın şəxsə şəxsi məlumat vermə” qaydasını övladlarınıza aydın şəkildə izah edin;

Şəxsi foto, video və məkan məlumatlarının paylaşılmasının risklərini başa salın;

Naməlum linklərə daxil olmamağı və şübhəli mesajlara cavab verməməyi öyrədin;

Telefon və tətbiqlərdə məxfilik və təhlükəsizlik ayarlarını aktiv edin.

Unutmayaq: Uşaqların kibertəhlükələrdən qorunmasında ən effektiv müdafiə üsulu davamlı maarifləndirmə və valideyn nəzarətidir.