Güclü fırtına və yağış Yeni Zelandiyada həyatı iflic edib. Paytaxt Vellinqtona bütün uçuşlar ləğv edilib, bəzi qatarların hərəkəti dayandırılıb.Meteoroloqlar Canterbury bölgəsində fövqəladə vəziyyət elan edib.

Yeni Zelandiyaya təsir edən şiddətli qasırğanın ölkə daxilində təxminən 90 min ev təsərrüfatını elektriksiz qoyduğu bildirilir. Səlahiyyətlilər çayların daşması barədə xəbərdarlıq edib və riskli ərazilərdə yaşayan sakinləri mümkün evakuasiyaya hazırlaşmağa çağırıb.

Güclü şimal-qərb küləkləri bu gün Kristçörç yaxınlığında və aşağı Cənubi Adada sahilyanı ərazilərdə saatda 150 kilometrə, Vellinqton və Vairarapa hissələrində isə saatda 140 kilometrə qədər dağıdıcı küləklər yaradıb.