Türkiyə Prezidenti Rəcəb Tayyib Ərdoğan, Ədalət və İnkişaf Partiyasının (AK Parti) Konfrans Salonunda keçirilən partiyasının Genişləndirilmiş Vilayət Sədrləri Toplantısında etdiyi çıxışda bunları bildirib:

"Türkiyə, bəşəriyyətin ortaq vicdanına tərcüman olan Sumud Donanmasındakı bütün ümid yolçularının yanındadır."

Ərdoğan sözlərinə belə davam edib:

"Qəzzada uşaqların aclıqdan öldüyü vəhşiliyə diqqət çəkmək və fələstinli məzlumlara humanitar yardım aparmaq üçün yola çıxan Qlobal Sumud Donanmasına qarşı edilən quldurluğu lənətləyirəm. İsrail rəhbərliyinin beynəlxalq sularda üzən mülki şəxslərə qarşı etdiyi bu hücum soyqırım heyətinin Qəzzadakı insanlıq cinayətlərini gizlətmək üçün necə bir dəli halında olduğunu bir daha sübut etmişdir. Soyqırımçı Netanyahu hökumətinin sülhün bərqərar olunmasına, hətta belə bir ehtimalın yaranmasına belə dözə bilmədiyi açıq şəkildə görülmüşdür. Qlobal Sumud Donanması Qəzzadakı vəhşətin və İsrailin qətliamçı simasının bir daha bütün dünyaya göstərilməsini təmin etmişdir. Türkiyə, bəşəriyyətin ortaq vicdanına tərcüman olan Sumud Donanmasındakı bütün ümid yolçularının yanındadır. Müvafiq qurumlarımız sahədəki hadisələri anbaan izləyir, fəalların və vətəndaşlarımızın saçının tək bir telinə belə zərər gəlməməsi üçün lazım olan tədbirləri görür. Dövlət və millət olaraq prioritetimiz Qəzzada axan qanı dayandırmaq, humanitar yardımların məzlumlara əngəlsiz şəkildə çatdırılmasını təmin etməkdir. Çox çətin şəraitdə həyat və ləyaqət mübarizəsi aparan fələstinli qardaşlarımızı sahibsiz qoymayacaq, atəşkəsin təmin olunması və sülhün bərqərar olması üçün bütün gücümüzlə çalışmağa davam edəcəyik."