Avqustun 25-də Gənclər və İdman Nazirliyi, AFFA və "Ulduz" Futbol Akademiyasının birgə təşkilatçılığı ilə Quba şəhərində 12 yaşadək futbolçular arasında II “Ulduz Cup” beynəlxalq turnirinin açılış mərasimi baş tutub.

Tədbir Quba Olimpiya İdman Kompleksinin stadionunda iştirakçı komandaların paradı ilə başlayıb. Dövlət Himni səsləndirildikdən sonra Quba Rayon İcra Hakimiyyətinin nümayəndəsi Arif Nəbiyev və Gənclər və İdman Nazirliyinin sektor müdiri Elçin Qasımov çıxış ediblər.

Açılış mərasimi rəqs nömrələri və “İdman səfiri” Xəyyam Orucovun nümunəvi çıxışları ilə davam edib.

Turnirin ilk oyun günündə aşağıdakı nəticələr qeydə alınıb:

“Sabah” (Azərbaycan) – “Paxtakor” (Özbəkistan) – 0:1

“Neftçi” (Azərbaycan) – “Şaxtyor Qaraqanda” (Qazaxıstan) – 1:1

“Qarabağ” (Azərbaycan) – “Dinamo Tbilisi” (Gürcüstan) – 0:2

“İstanbul Başakşəhər” (Türkiyə) – “Bunyodkor” (Özbəkistan) – 2:0

“Ulduz” FA (Azərbaycan) – “Trabzonspor məktəbi” (Türkiyə) – 0:2

“Aspire Akademiyası” (Qətər) – “Sduşorsi” (Qırğızıstan) – 0:2

Turnirdə 7 ölkədən 12 komanda iştirak edir. Komandalar 3 qrupda mübarizə aparır:

A qrupu: “Ulduz” FA (Azərbaycan), “Trabzonspor məktəbi” (Türkiyə), “Sduşorsi” (Qırğızıstan), “Aspire Akademiyası” (Qətər)

B qrupu: “Qarabağ” FK (Azərbaycan), “Dinamo Tbilisi” (Gürcüstan), “İstanbul Başakşəhər” FK (Türkiyə), “Bunyodkor” (Özbəkistan)

C qrupu: “Sabah” FK (Azərbaycan), “Paxtakor” FK (Özbəkistan), “Neftçi” PFK (Azərbaycan), “Şaxtyor Qaraqanda” (Qazaxıstan)

Turnirin final oyunu avqustun 28-də keçiriləcək.

Qeyd edək ki, yarışların bütün oyunları Gənclər və İdman Nazirliyinin rəsmi YouTube kanalında canlı yayımlanır.