Rusiya baş nazirinin müavini Aleksey Overçukun bu ayın sonuna planlaşdırılan səfəri rəsmi Bakı tərəfindən ləğv edilib. Buna səbəb Yekaterinburqda hüquq-mühafizə orqanlarının keçirdiyi əməliyyatda ikisi qardaş olmaqla, ən azı 5 azərbaycanlının qəddarlıqla qətlə yetirilməsidir.

Azərbaycan hökuməti yaranmış vəziyyətdə Moskva rəsmilərinin səfərinin heç bir siyasi və diplomatik əhəmiyyət daşımadığını açıq şəkildə ortaya qoyub. Bu, Bakının Yekaterinburq qırğınına sərt etirazının və münasibətlərdə mövcud gərginliyin bariz göstəricisidir.

Bakı beləliklə Moskvaya mesaj verir: Azərbaycan vətəndaşlarının qanı bahasına dostluq mümkün deyil.