Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Almaniya Federativ Respublikasının Berlin şəhərində keçirilmiş İnformasiya Komissarlarının XVl Beynəlxalq Konfransında (ICIC XVI) iştirak edib.

Səfər zamanı Səbinə Əliyeva, həmçinin konfransda iştirak edən xarici ölkələrin ombudsmanları, milli insan hüquqları institutlarının rəhbərləri və informasiya komissarları ilə görüşlər keçirib, qarşılıqlı əməkdaşlıq və təcrübə mübadiləsi barədə müzakirələr aparılıb.

Səfər çərçivəsində Ombudsman Azərbaycan Respublikasının Dini Qurumlarla İş üzrə Dövlət Komitəsinin və Azərbaycan Respublikasının Almaniyadakı Səfirliyinin birgə təşkilatçılığı ilə Berlində Azərbaycan Mədəniyyət Mərkəzində “Müxtəliflikdə birlik: dialoqda dinlərarasi sədalar” mövzusunda keçirilmiş konfransda iştirak edib, tədbirdə iştirak edən dini icmaların nümayəndələri ilə və orada yaşayan soydaşlarımızla görüşüb.