Hər il 23 iyun Azərbaycanda Dövlət Qulluqçularının Peşə Bayramı kimi qeyd olunur. Bu gün dövlətin idarə olunmasında mühüm rol oynayan, vətəndaşlara xidmət göstərən və ölkənin inkişafına öz töhfəsini verən dövlət qulluqçularına ehtiram və təşəkkür günü kimi qeyd edilir.

Dövlət qulluqçusu olmaq – təkcə bir vəzifə deyil, bu həm də xalqa xidmət missiyası, yüksək məsuliyyət və sədaqət tələb edən bir çağırışdır. Hər bir dövlət qulluqçusunun başlıca borcu Vətənə və xalqa sədaqətlə xidmət etmək, qanunlara riayət edərək ədalətli və şəffaf şəkildə öz vəzifəsini yerinə yetirməkdir.

Bu əlamətdar gündə bütün dövlət qulluqçularını təbrik edir, fəaliyyətlərində uğurlar və vətənə xidmət yolunda daim irəliləməyi arzulayırıq. Sizin fədakar əməyiniz ölkəmizin davamlı inkişafına, idarəetmənin təkmilləşdirilməsinə və vətəndaş məmnunluğunun təmin olunmasına xidmət edir.

Bayramınız mübarək!

A. Sahilə Bayramlı