19 iyun, cümə axşamı günü Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin iştirakı ilə Kahramanmaraşda zəlzələ bölgəsində inşa edilən 250 mininci mənzilin açar təhvili və püşkatma mərasimi keçiriləcək.

Azturkxeber.az xəbər verir ki, 6 fevral zəlzələlərindən sonra başladılan bərpa və yenidənqurma işləri çərçivəsində Kahramanmaraş daha bir əlamətdar mərhələyə qədəm qoyur. Prezidentlərin qatılacağı mərasim saat 14:30-da Azərbaycan məhəlləsində baş tutacaq.

Böyükşəhər Bələdiyyəsinin başçısı Fırat Görgel açıqlamasında bildirib: “19 iyun cümə axşamı günü Prezidentimiz Rəcəb Tayyib Ərdoğan və Azərbaycan Prezidenti İlham Əliyevi şəhərimizdə qarşılayacağımız üçün qürur və sevinc içindəyik. Zəlzələ bölgəsindəki 250 mininci mənzilin açar təhvili və püşkatma mərasiminə bütün vətəndaşlarımız dəvətlidir.”