2022-ci ildə dalış üçün açılan Gelibolu Tarixi Sualtı Parkında aparılan işlər zamanı batmış "Karfagen" adlı gəmiyə aid 110 illik dolu şərab şüşəsi üzə çıxarılıb. Tarixi Gelibolu yarımadasının dərinliklərində yerləşən döyüş gəmiləri 2022-ci ildə Gelibolu Tarixi Sualtı Parkı olaraq dalğıc turizminə açılıb. Dərinliklərində bir çox hekayəni gizlədən Çanaqqalanın döyüş qalıqları Birinci Dünya Müharibəsi mövzulu ilk sualtı parkıdır.

Mövzu ilə bağlı sosial media hesabından açıqlama verən Gelibolu Döyüşləri Tarixi Saytının sədri İsmail Kaşdemir bildirib ki, Karfagen gəmisinin alt 4-cü anbarında 81 metr dərinlikdə bir şərab şüşəsi tapılıb. Onun Gelibolu Sualtı Parkının nə qədər əhəmiyyətli mədəni irsi ehtiva etdiyi bir daha ortaya çıxıb. Bununla bağlı araşdırmalar davam edəcək.