Hindistanda baş verən təyyarə qəzasından sonra ölkədəki bütün “Boeing 787” tipli təyyarələr üçün araşdırma başladılıb. "India Today"in məlumatına görə, Mülki Aviasiya Nazirliyi “Air India” 171 saylı təyyarənin qəzaya uğramasından sonra tədbir görüb.Nazirlik ölkədəki bütün “Boeing 787” tipli təyyarələrlə bağlı araşdırmalara başlanıldığını bildirib.

Hindistanın Mülki Aviasiya naziri Ram Mohan Naidu qəzada həyatını itirənlərin şəxsiyyətini müəyyənləşdirmə işlərinin davam etdiyini açıqlayıb. Qeyd edək ki, "Air India 171" reysində 169-u Hindistan, 53-ü Britaniya, 1-i Kanada və 7-si Portuqaliya vətəndaşı olmaqla 242 sərnişin və ekipaj üzvü olub.

Şirkət təyyarədə olan 241 nəfərin həyatını itirdiyini, sağ qalanların isə müalicə altında olduğunu təsdiqləyib.

Təyyarə qəzasının səbəbi ilə bağlı rəsmi açıqlama verilməsə də, Mülki Aviasiya naziri Ram Mohan Naidu hadisə ilə bağlı araşdırma başlandığını açıqlayıb.Qəzada həyatını itirənlərin sayının 270-ə yüksəldiyi açıqlanıb.