"Konstitusiya və Suverenlik İli" və “İnsan Hüquqları Aylığı” çərçivəsində Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi Vəkillər Kollegiyasının birgə təşkilatçılığı ilə hüquqi yardım aksiyası keçirəcək.

İyunun 10-u saat 15:00-da Gəncə şəhərində müvəqqəti məskunlaşmış keçmiş məcburi köçkünlər üçün Gəncə şəhəri Regional Vəkil Bürosunun vəkilləri tərəfindən ödənişsiz hüquqi yardım göstəriləcək.

Aksiya çərçivəsində keçmiş məcburi köçkünlər hüquqi məsələlərlə bağlı müraciət edərək müvafiq hüquqi məsləhətlər ala bilərlər.