Sudan ikinci ildir ki, 2025-ci ildə humanitar vəziyyətin pisləşməsi riski ilə üzləşən ölkələr siyahısına başçılıq edir.

Bu barədə məlumat Beynəlxalq Xilasetmə Komitəsi (IRC) qeyri-hökumət humanitar təşkilatının dərc etdiyi hesabatda yer alıb. Sudandan sonra Qəzza və İordan çayının qərb sahili, Myanma, Suriya və Cənubi Sudan gəlir.

Hesabatda bildirilib ki, dünyada 305,1 milyon insan humanitar yardıma ehtiyac duyur, onların 82 faizi IRC-nin müşahidə siyahısında olan 20 ölkəsinə təsadüf edir.

IRC-nin hesabatında Sudandakı humanitar böhranın müşahidələr tarixində ən ağır olduğu və bu ölkədə dünya əhalisinin cəmi 1 faizinin yaşamasına baxmayaraq, humanitar yardıma ehtiyacı olan bütün insanların 10 faizini təşkil etdiyi bildirilir.

Müharibə 2023-cü ilin aprelində Sudan ordusu ilə hərbiləşdirilmiş Çevik fəaliyyət qüvvələri arasında mülki idarəetməyə planlaşdırılmış keçiddən əvvəl başladı və dünyanın ən böyük köçkünlük böhranına səbəb oldu.