Milli Məclisin sədri Sahibə Qafarova Qırğız Respublikasına səfəri çərçivəsində Qazaxıstan Respublikası Qurultayının sədri Aybek Dadebay ilə görüşüb.

Azturkxeber.az-ın məlumatına görə, Aybek Dadebay ilk növbədə, Qurultayın sədri seçilməsi münasibətilə Sahibə Qafarovanın ünvanladığı təbrikə görə təşəkkürünü bildirib.

Söhbət zamanı Azərbaycan ilə Qazaxıstan arasında dostluq və qardaşlıq münasibətlərinin yüksək səviyyəsindən məmnunluq ifadə olunub, ölkələrimiz arasında strateji tərəfdaşlıq və müttəfiqlik əlaqələrinin gündən-günə inkişaf etdiyi bildirilib. Ölkələrimiz arasında münasibətlərin inkişafında dövlət başçılarının rolunun mühüm olduğu vurğulanıb, onların birgə səyləri nəticəsində əlaqələrin müxtəlif istiqamətlərdə inkişaf etdiyi qeyd edilib. Tərəflər parlamentlərimizin TÜRKPA çərçivəsində əməkdaşlığının əhəmiyyətini vurğulayıblar.