31 oktyabr – 2 noyabr tarixlərində Bakıda snuker üzrə ölkə çempionatı keçiriləcək.

Azturkxeber.az xəbər verir ki, Azərbaycan Gənclər və İdman nazirliyin və Bilyard Federasiyasının (ABF) təşkilatçılığı ilə baş tutacaq yarış ölkənin snuker idman növü üzrə ən güclü idmançılarının müəyyənləşdirilməsi, idmanın inkişafı və daha geniş auditoriya arasında təbliği baxımından mühüm əhəmiyyət daşıyır.

Üç gün davam edəcək çempionatda iştirakçılar yüksək səviyyəli rəqabət şəraitində mübarizə apararaq ölkə çempionu titulunu qazanmağa çalışacaqlar. Yarış idmançıların peşəkarlıq səviyyəsinin artırılması, rəqabət mühitinin gücləndirilməsi və snukerə marağın daha da artırılması üçün mühüm platforma rolunu oynayacaq.

Azərbaycan Bilyard Federasiyası son dövrlərdə bilyard idmanının müxtəlif növlərinin inkişafı, regionlarda yarışların təşkili, gənclərin idmana cəlb olunması və bu idman növünün ictimaiyyət arasında tanıdılması istiqamətində fəaliyyətini davam etdirir. Snuker üzrə ölkə çempionatı da bu strategiyanın mühüm tərkib hissəsidir.

Yarış Bakı şəhərində yerləşən Heydər Əliyev adına İdman-Konsert Kompleksində keçiriləcək.

Çempionata qoşulmaq istəyən idmançılar üçün qeydiyyat açıqdır.

Qeydiyyat və ətraflı məlumat üçün:

Telefon: +994 55 313 13 11

Tarix: 31 oktyabr – 2 noyabr 2026-cı il

Məkan: Heydər Əliyev adına İdman-Konsert Kompleksi, Bakı

Azərbaycan Bilyard Federasiyası bütün snuker həvəskarlarını bu idman bayramını izləməyə və iştirakçılara dəstək olmağa dəvət edir.