Rumıniyanın Təhsil və Tədqiqat Nazirliyi 2026–2027-ci tədris ili üzrə Azərbaycan Respublikası vətəndaşları üçün hökumətlərarası təqaüd proqramı elan edib. Proqram Azərbaycan və Rumıniya arasında təhsil sahəsində əməkdaşlığın inkişafına xidmət edir.

Təqaüd proqramı Azərbaycan Respublikasının Təhsil Nazirliyi ilə Rumıniyanın Təhsil və Tədqiqat Nazirliyi arasında 11 oktyabr 2004-cü il tarixində imzalanmış əməkdaşlıq müqaviləsinə əsasən həyata keçirilir.

Proqram çərçivəsində hər iki ölkənin vətəndaşları tələbə mübadiləsi prinsipi əsasında qarşı tərəfin ali təhsil müəssisələrində bakalavriat, magistratura və doktorantura səviyyələri üzrə təhsil almaq imkanı əldə edirlər. Təhsil müxtəlif ixtisas istiqamətlərini əhatə edir.

Təqaüd proqramına müraciət üçün son tarix 16 mart 2026-cı il müəyyən edilib.

Proqramın şərtləri, tələb olunan sənədlər və digər vacib məlumatlarla aşağıdakı elan vasitəsilə tanış olmaq mümkündür:

🔗 https://htp.edu.az/uploads/fileuploads/2026/02/c531fb3b4fc94308a4e74c2677683617.pdf�