Türkiyənin üç komandası – “Samsunspor”, “Beşiktaş” və “Başakşəhər” avrokuboklarda pley-off mərhələsinin cavab oyunlarına çıxıb.

Avropa Liqasında mübarizə aparan Samsun klubu səfərdə 1:2 hesabı ilə məğlub olduğu Yunanıstanın “Panatinaikos” kollektivini qəbul edib. Görüş qolsuz heç-heçə ilə başa çatıb. Bununla da ev sahibləri Konfrans Liqasının qrup mərhələsinə düşüb.

Konfrans Liqasında çıxış edən “Beşiktaş” birinci qarşılaşmada qollu heç-heçə (1:1) etdiyi İsveçrə “Lozanna”sına İstanbulda uduzaraq (0:1) mübarizəni dayandırıb.

Turnirdə digər komanda “Başakşəhər” isə səfərdə Rumıniyanın “Universitatea Krayova” klubunun qonağı olub. İlk görüşdə olduğu kimi, cavab matçında da rəqibinə məğlub olan (1:2; 1:3) “Başakşəhər” turnirlə vidalaşıb.