Cüdo üzrə U-14 yeniyetmələr arasında Liqa yarışının III turu start götürüb. Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində keçirilən yarışda 80 klub və idman cəmiyyətindən olan 390 idmançı (313 oğlan, 77 qız) ümumilikdə 18 çəki dərəcəsində medallar uğrunda mübarizəyə qoşulub.

Naxçıvan Muxtar Respublikası Gənclər və İdman Nazirliyinin mətbuat xidmətindən bildirilib ki, yarışda Naxçıvan Şəhər Uşaq-Gənclər İdman Məktəbinin idmançısı Ləman Bağırova 36 kiloqram çəki dərəcəsində çıxış edib. O, dörd görüşün hər birini qələbə ilə tamamlayaraq qızıl medal qazanıb. Bu nəticə ilə L. Bağırova öz çəkisində reytinq üzrə ilk pilləyə yüksəlib.