ABŞ Prezidenti Donald Tramp Rusiya Prezidenti Vladimir Putinlə Alyaskada görüşdən dərhal sonra Ukrayna Prezidenti Volodimir Zelenski ilə Putinin görüşməsini istəyir.

Bu barədə Tramp Avropa liderləri və Zelenski ilə virtual görüşdən sonra açıqlayıb. O, bunun ilk görüşün uğurlu olmasından asılı olduğunu qeyd edib.

“Əgər Putinlə görüş uğurlu olarsa, biz dərhal ikincini təşkil edəcəyik. Mən bunun təxirə salınmadan dərhal olmasını istərdim. Əgər onlar da orada olmağımı istəsələr, Prezident Putinlə Prezident Zelenski arasında dərhal ikinci görüşümüz olacaq”, -deyə Tramp bildirib.