“Azərbaycan Şahmat Turu” çərçivəsində keçiriləcək “Ganja Open 2025” Beynəlxalq Şahmat Festivalının mükafat fondu açıqlanıb.

Azərbaycan Şahmat Federasiyasından bildirilib ki, yarışın ümumi mükafat fondu 41.200 AZN (24.235 USD) təşkil edəcək. Festival A və B qruplarında keçiriləcək.

A qrupunda 2000 və daha yüksəkreytinqli şahmatçılar, B qrupunda isə 1999-dək olan şahmatçılar iştirak edə bilərlər. Festivalda rapid və blits üzrə turnirin keçirilməsi də nəzərdə tutulur. Burada reytinq məhdudiyyəti tətbiq edilmir.

Qeyd edək ki, “Ganja Open 2025” “Azərbaycan Şahmat Turu” layihəsində sayca 7-ci açıq tipli yarışdır. Festival "Baku Open"dən sonra ən böyük mükafat fonduna sahib olacaq.