Norveç ilə İsveç arasında nadir dağ dişi qazının qorunub saxlanması zəminində münaqişə yaranıb.

İsveç ötən əsrin 70-ci illərinin sonlarından başlayaraq Rusiyadan quşlar gətirərək onları yetişdirib və təbiətə buraxmaqla populyasiyanın sayını artırmaq üçün bahalı layihə həyata keçirir.

Norveçdə isə daha passiv mövqe tutulur, lakin bəzi hallarda sərhəddən uçub gələn isveç qazlarını vururlar. Yerli hakimiyyət onları “süni” hesab edir və populyasiyaların qarışmasının tarixi miqrasiya marşrutlarını dəyişəcəyindən qorxur.

“Biz başa düşmürük ki, onlar İsveç dişi qazını niyə təhlükə hesab edirlər. O, Norveç qrupu ilə birlikdə miqrasiya edir. Nəsli kəsilməkdə olan növlərdən bir fərdinin elmi sübut olmadan məhv edilməsi beynəlxalq sazişlərə ziddir”, - deyə Ovçular Assosiasiyası bildirir.

Qurum həmçinin qeyd edir ki, isveç qazları daha təhlükəsiz miqrasiya yollarından istifadə edirlər.

Norveç qazları Rusiya və Qazaxıstan üzərindən Yunanıstana uçur, İsveç isə öz növbəsində 1980-ci illərdə Almaniya və Niderland vasitəsilə quşlarının miqrasiya istiqamətini dəyişib.

“İsveç populyasiyası vəhşi populyasiya üçün təhlükə yaradır, biz bunu Finlandiya, Estoniya, Macarıstan və Yunanıstanla bölüşürük. Süni şəkildə yaradılmış populyasiya ilə qarışma riski və tarixi miqrasiya yolunun məhv edilməsi qətiyyən yolverilməzdir və beynəlxalq tövsiyələri pozur”, - deyə norveçli həmkarlar cavab verirlər.