Ümumdünya Meteorologiya Təşkilatı 2017-ci ilin oktyabrında ABŞ-da müşahidə edilən 829 kilometrlik ildırımın rekordlar üzrə ən uzun ildırım olduğunu açıqlayıb. Təşkilat 2017-ci ilin oktyabrında ABŞ-da baş verən böyük fırtına zamanı baş verən və həmin ilin təhlilinə daxil edilməyən ildırımın sonradan aşkar edildiyini və məlumatların nəzərdən keçirildiyini açıqlayıb.

Açıqlamada əldə edilən məlumatlara əsasən ildırımın uzunluğunun 829 kilometr olduğu bildirilib,Texasın şərqindən Missuri ştatının Kanzas-Sitiyə qədər uzandığı qeyd edilən şimşəyin dünya rekordu qırdığı vurğulanıb.

Açıqlamada qeyd olunub ki, bu uzunluq Fransanın Parisi ilə İtaliyanın Venesiya şəhərləri arasındakı məsafəyə uyğundur. Əvvəlki rekord 2020-ci ilin aprelində ABŞ-da müşahidə edilən 768 kilometrlik şimşəklə bağlı olub.