Azərbaycan üzgüçüləri Çexiyanın Ostrava şəhərində keçirilən dünya çempionatına lisenziya xarakterli Qran-pridə 17 medal qazanıblar.

Azərbaycan Üzgüçülük Federasiyasından bildirilib ki, bunlardan 2-si qızıl, 8-i gümüş, 7-si isə bürünc mükafatdır.

Ramil Vəlizadə ilə Süleyman İsmayılzadə hərəyə 1 qızıl və 2 gümüş, Əbdürrəhman Rüstəmovla Fatimə Alkərəmova hərəyə 2 gümüş, 1 bürünc medala sahib çıxıblar. Oqtay Hüseynov 3, Səid Həmidov isə 3 növdə fəxri kürsünün üçüncü pilləsinə qalxıb.

Qeyd edək ki, turnirdə 5 ölkə - Çexiya, Azərbaycan, Fransa, Polşa, Sloveniyadan 350-yə yaxın idmançı iştirak edib.