Serbiyanın Zlatibor şəhərində keçirilən Gimnaziada İdman Oyunlarında 3x3 basketbol yarışları davam edir.

Azərbaycanın qız və oğlan komandaları növbəti matçlarına çıxıblar.

Tatyana Deniskinanın baş məşqçisi olduğu qızlardan ibarət millimiz B qrupunda Çili 2-ni 12:1, Ukraynanı isə 16:14 hesabı ilə məğlub edib.

Zaur Paşayevin baş məşqçisi olduğu oğlan millimiz ilk qarşılaşmada Kosta Rikanı 19:5, Nepalı isə 18:10 hesabı ilə üstələyib.

Qızlardan ibarət yığma bundan əvvəl B qrupunda Serbiya-2-yə (18:0) qalib gəldikdən sonra Rumıniyaya (10:20) uduzsa da, Hindistan-1-i 21:1, Estoniyanı isə 9:7 hesabı ilə məğlub edib.

Oğlan komandamız daha əvvəl Meksikanı məğlub edib 11:8. Çili-1-ə 7:17 hesabı ilə uduzan milli Beninə 14:4 və Serbiya-2-yə 21:10 hesabı ilə qalib gəlib.

Bununla da oğlanlardan ibarət komanda qrupu 2-ci bitirib və 1/8 finalda Kosta Rikaya rəqib olub. Qadın millisi isə dördüncü olub. Rəqib 1/4 finalda Çin yığması olacaq.