Tacikistan Respublikası Ali Məclisi Milli Məclisinin sədri Rüstəm Emomali
təyyarə qəzası ilə əlaqədar
Milli Məclisin sədri Sahibə Qafarovaya başsağlığı verib

Tacikistan Respublikası Ali Məclisi Milli Məclisinin sədri Rüstəm Emomali  “Azərbaycan Hava Yolları”na məxsus sərnişin təyyarəsinin Aktau yaxınlığında faciəvi şəkildə qəzaya uğraması ilə bağlı Milli Məclisin sədri Sahibə Qafarovaya başsağlığı məktubu ünvanlayıb.
Məktubda Rüstəm Emomali qəzada çoxsaylı insan tələfatı barədə kədərli xəbərdən dərin hüzn keçirdiklərini bildirib, faciə ilə əlaqədar öz adından və Tacikistan Respublikası Ali Məclisinin Milli Məclisi adından Milli Məclisin sədrinə, qəzada həlak olanların ailələrinə və yaxınlarına başsağlığı verib, yaralıların tezliklə sağalmalarını diləyib.

Milli Məclisin Mətbuat və
ictimaiyyətlə əlaqələr şöbəsi