Bu il Finlandiyanın Qütb dairəsində Lapland bölgəsində yerləşən Rovaniemi şəhərindəki Şaxta baba kəndinə maraq böyük olub. 

Kənddə Şaxta babanın evi kimi tanınan “Santa Klaus evi” ilə yanaşı, ziyarətçilərin məktublarını göndərə biləcəyi məşhur poçt şöbəsi, suvenir mağazaları və müxtəlif əyləncə məkanları da var.Dekabr ayında Yeni il mövsümündə işıqlarla bəzədilmiş kənd qarlı mənzərəsi ilə nağıllar ölkəsinə çevrilir.

Santa Klausun kəndi həm Yeni il sevinci axtaranlar, həm də Finlandiyanın təbiətini kəşf etmək istəyənlər üçün füsunkar dayanacaq olmağa davam edir.