Fransanın paytaxtı Parisdə yerləşən Eyfel qülləsi elektrik naqilində baş verən qəzadan sonra təhlükəsizlik səbəbilə boşaldılıb.

Səlahiyyətlilər qısaqapanmanın səbəbinin araşdırıldığını və qüllənin gün ərzində tədricən ziyarətçilərin üzünə açılmasının gözlənildiyini bildirib.

Yerli media qüllə operatoru “SETE” şirkətinin mənbələrinə istinadən qüllənin liftlərindəki elektrik relslərindən birinin qısaqapandığını bildirib.

İkinci mərtəbə ilə qüllənin yuxarı hissəsi arasında yaranan texniki problem yerli vaxtla səhər saat 10.50-də yanğın siqnalının verilməsinə səbəb olub.

Səlahiyyətlilər binanı təhlükəsizlik prosedurlarına uyğun olaraq boşaldıb və ziyarətçilərin təhlükə altında olmadığını açıqlayıb.