Avropada super hesablama texnologiyaları və tətbiqlərini inkişaf etdirmək məqsədi daşıyan Lüksemburqda yerləşən Avropa Yüksək Performanslı Hesablama Tərəfdaşlığı Təşəbbüsü (Euro HPC) Avropa İttifaqında innovasiyaları artırmaq üçün süni intellekt fabrikləri qurmaq üçün 7 konsorsiumun müəyyən edildiyini açıqlayıb.

Açıqlamaya əsasən Euro HPC gələn il Avropada yerləşdiriləcək ilk Avropa süni intellekt fabriklərinə ev sahibliyi edəcək mərkəzləri seçib. Bu süni intellekt fabrikləri Finlandiya, Almaniya, Yunanıstan, İtaliya, Lüksemburq, İspaniya və İsveçdə olacaq. Bildirilib ki, təşəbbüs Avropada qabaqcıl süni intellekt modellərini öyrətmək və süni intellekt həllərini inkişaf etdirmək üçün ekosistem yaratmaq məqsədi daşıyır.

İlk süni intellekt fabrikləri milli və Aİ fondlarını birləşdirən 1,5 milyard avroluq sərmayəni təmsil edəcək.

Açıqlamada investisiyanın yarısının  Avropa İttifaqının Rəqəmsal Avropa və Horizon Europe proqramları ilə maliyyələşdiriləcəyi, süni intellekt fabriklərinin Avropanın aparıcı tədqiqat və texnologiya mərkəzlərində yerləşəcəyi bildirilib. Süni intellekt fabriklərinin Avropanın bu sahədə tutumunu artıracağı vurğulanıb və fabriklərin 2025-2026-cı illərdə istifadəyə veriləcəyi də bildirilib.