İtaliyanın şimal-şərqindən keçən Alp dağlarının Valtellina vadisində 280 milyon il əvvələ aid fosil ekosistem aşkarlanıb.

azturkxeber.az xəbər verir ki, mütəxəssislər incə dənəli qumdaşı plitələrində fosilləşmiş bütöv bir ekosistemin 280 milyon il ərzində Alp dağlarının zirvəsində gizli qaldığını bildiriblər. İqlim dəyişikliyi ilə əlaqədar qar və buzlaq örtüyünün azalması bu daşlaşmış çöküntülərin aşkarlanmasına səbəb olub.

Orobie Parkında, dəniz səviyyəsindən 3000 metr yüksəklikdə aşkarlanan bu tapıntılar Milanın Təbiət Tarixi Muzeyində keçirilən mətbuat konfransında ilk dəfə nümayiş etdirilib.